بسم الله الرحمن الرحيم -

حبيت اقدم لكم شي في بالي صراحه له زمن يدوور و حووس

وهو السؤال الكبير الي دايم ينسأل -

وش تتمنى تكون في المستقبل ؟

طبعا هذا السؤال يا ما انسأل وياما جاوب عليه ... لكن تكون الاجابه كذا ... ؟":>؟" => يعني خرابيط

كيف يعني ؟

يعني اي شي في بالك علي طول تقوله ... وهذا هو الغلط.

الي حاب اوضحه هنا هو التالي:

اي شي ترغب فيه في هذي الدنيا تقدر تحققه - بإذن الله-

بهذي البساطه ؟ اي بهذي البساطه.

بس تحتاج شوي تركيز ...

يقول موقع - وفلم - وكتاب (موجود في جرير ) ... السر او the secret
http://www.thesecret.tv/

انك ترى العالم وكأنه كاتالوج .. ابغي اسافر البلد الفلاني .. وكمان البلد الفلاني .. واصير اشتغل هنا او اصير اشتغل هذي الشلغه.

بعد كم سنه راح تتحقق لك .

مافيه شي اسمه ( فلان حظه صار كذا طيار مثلا) ولا فلان ماشاء الله صار كذا ...

اذا تبي تصير زي فلان هذا تقدر ... بس السؤال انت تبي تصير طيار ؟؟ ما اتوقع !!!

ادعوكم الي مراجعه التالي- انا مين - انا وش سويت - انا وش راح اسوي ؟؟

مثال ذلك تجريبي:

انا عامل ورشه واتمني اعمل في شركه قائده في مجال عملي - وانمو معها كما تنمو مهاراتي

من اليوم سوف اضع اسم هذه الشركه في حائط غرفتي - واكتب عليها اسمي -

ومن هنا تبدأ الهمه و العزيمه نحو تحقيق الهدف - بكل جديه طبعا

كل حياتي سوف تدور حول تحقيق هدفي - لبسي - اصدقائي - شكلي- علاقاتي.

في غضون كم سنه - سوف يتحقق حلمي بإن الله .

وعلى ذلك فإعمل ...

يذكرني هذا الكتاب بمقوله اب صديقي ونحن في سفرنا بين مدن المملكه - والاب كان من قبيله شمر

كان يقول لي

يا ولدي مافيه احد محظوظ- الرجل هو الي يبني حظه .


فيه شي حبيت اضيفه -- وهو استثمار النفس

كيف يعني ؟

يعني ان يستثمر الشخص وقته في نفسه ، نرجع لمثال الكاتالوج السابق ، تبغي مثلا تتعلم اللغه الانجليزيه

اجلس مع نفسك واطرح الاسئله السابقه واليوم الثني قرر ، وابدأ في معهد ، وكرس كل جهدك في تعلم هذا الشي

هذا فقط مثال - يمكن في حياتك ما يحتاج تتعلم اللغه الانجليزيه!! لكن فيه اشياء انت ناقص فيها تحتاج تتعلمها ، ابدأ بها ثم انتقل للي بعدها من حيث الاهميه، فقد يضيع وقتك في تعلم شي لا يفيدك بشي في المستقبل.

والله اعلم



والسلام عليكم ورحمه الله وبركاته

written by Lion

يعطيك الف عافية اخوي ولد الديره على هذا الكلام الرائع والممتاز الذي سيفيد الكثير منا تقبل مروررري

يعطيك العافية ولد الديرة

بارك الله فيك

الله يعطيك العافية . . .

أولا : الموضوع جداً رائع حيث يساعد الشخص على تحديد أهدافه والعمل على تحقيقها بالشكل الصحيح وهذا ما ينقص الكثير من الناس اليوم . . .

ثانياً : الكتاب الحقيقة سامع عنه ضجة الفترة الأخيرة من الناس و من الإعلانات في الشوارع و في جرير . . . فلذلك أشكرك على ذكرك للكتاب وطرحك نبذة مختصرة عن مضمونه ومحتواه . . .

كتاب متميز

جزاك الله خير

بارك الله فيك كتاب مفيد واتمنى من الجميع أن يستفيد منه

لا تحرمنا من جديدك

دمت بصحة وعافية