شاعر غامد يطلق قذيفه (عيار ثقيل) على ال(المل..ون )
قصيـده من العيـار الثقيـل ,
كانـت وجهتهـا لـ أراضي بو ظبـي ـ و لجنـة التخـليل ـ و القائمين ع البرنامج الساقط للهاويه ,
لن أطيـل عليـكم ,
فـ القصيده واضحـه يفهمهـا الجميـع ,
ياشمس غيبي ليه ياشمس تبديـن
مادام نورك ما محا ظلمـة الليـل
البارحة تعلن على النـاس داريـن
فوز الخيانـة والدجـل والاباطيـل
وشلون مالت كفة العدل ياحسيـن
والعدل ما ظنيـت يهتـز ويميـل
يابو ظبي من بدّل الزين بالشيـن
وشلون سرج الخيل يركب على فيل
ناصر سحرني مثل كـل الملاييـن
يشهد له الياهو وقوقـل وهوتميـل
كوكب سعودي من بلاد السلاطيـن
ما يختفي لو تختفي نجمة سهيـل
قصايده مثـل القصايـد بشطريـن
بس المعاني لغـز يحتـاج تحليـل
دخـل بناقـه ماتهـاب البعاريـن
والقى قصيده فصّلت نجد تفصيـل
واحتج مرضان العقـول المجانيـن
قالوا سرقها واختلط قال فـي قيـل
امسى زعيم الشعر بين السكاكيـن
سكين غدر(ن) سنّها يـوم قابيـل
وفي منيره (دربن) صفوق ثنتيـن
(دربن) وزعل شاعر الجن بالحيل
تلا عليهم كاهـن الجـن سطريـن
لاهي من التوراة لاهي من انجيـل
واعلن رحيله بعدها قـال هالحيـن
ياناقتـي جيبـي معـاك المكاييـل
خليني اعطي راعي الصاع صاعين
واللي سقاني كاس بسقيه برميـل
ياناقتي سوّي بيوتي مـن الطيـن
وارمي بها رمي الطيـور الابابيـل
رمت قصيده جالها الـف تخميـن
حتى ولد زايد سرى دون تبجيـل
يالجنـة التحكيـم لاعـاد تنسيـن
تـلاوة الكاهـن ونفـث الفناجيـل
العام ضيّع بيرقـه تركـي الفيـن
خلّى خصومه وانشغـل بالمواويـل
والعام هذا قالـوا النسبـه اثنيـن
بالله قولـوا غيرهـا يالمهابـيـل
الشبرمي ياجيه واحـد وعشريـن
والشعب كله مثـل علبـة مخاليـل
اليوم( نشـوى) ذكرتنـي برابيـن
ابراج بالدوحة وفندق على النيـل
ياناس ربي مـا لمحنـاه بالعيـن
لكن عطانا عقـل يحتـاج تشغيـل
الدرس واضح مايبي لـه براهيـن
والحقد عنوانـه وتحتـه تفاصيـل
واخر كلامي دعوة (ن) بين قوسين
يارب جنّب ليث قهـر الرجاجيـل
تحياتي
رد: شاعر غامد يطلق قذيفه (عيار ثقيل) على ال(المل..ون )
رد: شاعر غامد يطلق قذيفه (عيار ثقيل) على ال(المل..ون )
مشكوور على النقل والله يعطيك العافيه
رد: شاعر غامد يطلق قذيفه (عيار ثقيل) على ال(المل..ون )
سلم لنا قولك ومنقولك ودُمت في رعاية الله
رد: شاعر غامد يطلق قذيفه (عيار ثقيل) على ال(المل..ون )
قصيدة جميلة مناسبة للحدث
يعطيك العافية
رد: شاعر غامد يطلق قذيفه (عيار ثقيل) على ال(المل..ون )
رد: شاعر غامد يطلق قذيفه (عيار ثقيل) على ال(المل..ون )
[align=center]قصيدة رائعة من مشرف رائع
مع تحياتي لك
الغويد[/align]
رد: شاعر غامد يطلق قذيفه (عيار ثقيل) على ال(المل..ون )
يعطيكم الف عافيه على المرور الرائع
رد: شاعر غامد يطلق قذيفه (عيار ثقيل) على ال(المل..ون )
[align=center]الله يعطيك العافية على هذه القصيدة الجميلة التي تعبر عن الحرقة التي مربها الشعب السعودي بعد خروج ناصر الفراعنة ظلماً[/align]
رد: شاعر غامد يطلق قذيفه (عيار ثقيل) على ال(المل..ون )
[align=center]قصيدة رائعة جداًً واحسنت الاختيار
وأقول لك أرق سنود [/align]