بسم الله الرحمن الرحيم

السلام عليكم ورحمة الله وبركاته

ماانتهي جيتك وطالب منك الغفران...…………..…. أقبـّـل قاعة أقدامك واغسلها

بدمعاتي

يا يمّـه كل مافيني يناديلك أنا ندمان.. .…..…طلبتك قولي سامحتك وردي

لوجهي بسماتي

أنا أدري قلبك الطيب كسرته بصدمة النكران…….. ..غلطت وغلطتي هذي تعير

كل غلطاتي

تشوفي الشيب يا يمّـه ترى ماجا وأنا فرحان ..……..وربي إلي رفع ذاتك ونزّل

للردى ذاتي

فقدت الراحة من بعدك فقدت ألطيبه والتحنان ……...بدونك راحتي غاية بدينك

هذي راحاتي

أنا بعدك ولا حاجة أنا بعدك ترى عميان ….…..…أشوف ولا أشوف إلي يوريني

مساواتي

أنا وسيد الشقي والهم من بعدك غدينا أخوان ...….يجيب هموم هالعالم ..

ويرميها بمتاهاتي

صدقتي .. يوم قلتي لي تدين اليوم بس تندان ……رميتك في بداياتي .. ورموني

في نهاياتي

أنا من شالك بيده ورماك بأسفل البركان ……...نخيتيني .. وطلبتيني .. ولا

حصلتي نخواتي

مثل ماهنتي بعيوني .. عليهم قلبي يمّـه هان ….رموني وضعتهم فزعه وأنا

الدمعات فزعاتي

يا يمّـه لا تظنيني أنا من فعلهم زعلان؟ …………..سواتٍ فيك سويته وسوّو فيني

سواتي

يا يمّـه .. يالله ظميني ودفيني بهالأحضان …….أنا أدري فيك مشتاقة .. وهمك

بس ملاقاتي

يا يمّـه (حيييييييل) ضميني أبي أرتاح أنا تعبان ….تعبت أهرب من ذنوبي أبيك

آخر مسافاتي

أبسمع منك أي كلمه .. لصوتك مسمعي ولهان ….أبسمع (يمّــه) بصوتك أبذكر

فيها نشواتي

أشوفك ساكتة يمّـه ؟!!.. غفيتي ولا أنا غلطان؟ ..غفيتي يا بعد عمري؟..

تعبتي من مواساتي؟

يا يمّـه طالبك قومي .. إذا لي في عيونك شان ...أشوف الموت بعيونك .. عسى

تخيب هقواتي

تعالوا يا بشر شوفوا أنا محتار أنا تلفان ……...أنا أمّي مدري وش فيها أنا

مدري أنا أحاتي

شنو ؟؟ أمّي أنا ماتت !!! لا لا.. لا ترى غلطان!!! .....أنا أمّي ما تخليني على

حزني ووناتي

أنا أمّي قلبها طيب ولا يمكن تبكي إنسان ……………أنا أمّي ما تبكيني .. ولا

تتمنى آهاتي

يا يمّـه صح ما متي؟ .. وصح الموت تو ماحان؟ …إذا متي أنا بعدك أبقضي وين

ساعاتي..؟

يا يمّـه قومي يا يمّـه .. وقولي الموت لا ما كان ……….أنا جيت وأنا ناوي أببد

فيك جناتي

تركتيني ومتي ليـه؟؟ تركتيني وأنا

غرقان؟ ….ولا مسموح يا وليدي!! .. ولا

تلعنك لعناتي!!

أنا الجاني وأنا المجني وأنا المخطي وأناالندمان… وأنا بأيدي رميتك إيه

وبعثرت أهم ملفاتي

وجيت من الهنا مفلس .. وقلبي من الضنى خسران …...تركتيني على ناري أعدد

فيك زلاتي

ولأني مرضيٍ ربي .. ولأني تابع الشيطان ………….أنا بعدك ترى مابين نهاياتي

وبداياتي

يا يمّـه منتهي جيتك وكلي مرتجي غفران …….وشفت الناس تلعني .. وتحذرني

من الآتي..،

=========

روحوا ....لاامهاتكم واطلبوا رضاهم قبل لايفوت الفوت....ولاينفع الصوت...وانا اولكم...والله لن نعرف قيمتهم اكثر الا بعد فرقهم..اللهم اطيل فى اعمارهم فى صحه وعافية وطاعه..
..م..