الموضوع: تقديم على مدرسة أجنحة رابغ لعلوم الطيران

السلام عليكم ورحمة الله وبركاته

صباح / مساء الخير ياأحلى أعضاء

ياشباب بدأ التقديم على مدرسة أجنحة رابغ لعلوم الطيران

لأول مره في تاريخ الخطوط الجويه العربيه السعوديه تدرس طلاب في

المدرسه على حسابها

طالبين 100 طالب

مقر المدرسه في رابغ تبعد عن جده مالا يقل عن 70 كم

الخبر هذا سري وماأحد يدري عنه ولا اعلنوا عنو كمان

هذا الخبر قلي واحد ماسك منصب كبير جدا في الخطوط ماقصر معايا

شباب اللي تخرجوا من الثانويه او الجامعه ولا حصلوا وظائف توكلوا على الله

وروحوا قدموا في الاداره العامه للخطوط في مدينة جده

وحاولوا تدخلون على اي مدير وكلموه يدخلكم في المدرسه هذي لان الشغله

كلها واسطات في واسطات

والوظيفه بعد ماتتخرج مضمونه وبقوه كمان لان الخطوط عندها ازمة طيارين

وصلنا قبل شهرين 60 طائره وواقفه في المدرجات ماتحركت لانه ماعليها

طيارين

لكن اللي يبغى يدخل اهم شي تشد على نفسك اقل شي تذاكر في اليوم

من 5 الى 7 ساعات في اليوم

تدرس لمدة سنه وتأخذ رخصة الطيران التجاري

هي 3 رخص

1/ ppl / يعني الرخصه التجريبيه الخاصه

2 / cpl / رخصة الطيار الآلي

3 / ifr / الرخصه التجريبيه التجاريه

شدوا حيلكم ياشباب والله لمن سافرت امريكا علشان ادرس الطيران 8

ساعات في اليوم اقل شي اجلس اذاكر لمن طلع الشيب في راسي

والحين مبسوط ولله الحمد

راتب مساعد الكابتن في الشهر لايقل عن 35.000 ريال سعودي

وانا كتبت الخبر هذا اعتبركم زي اخواني



اخوكم / محمد الطيب (أبو فيصل)