الموضوع: وربي اني خلاااااااااااص في معاناه مايعلم بها الا الله ..

السلام عليكم ورحمة الله وبركاته

اسكن في عماره اربع شقق ..

وقدر الله ان انتقل جارنا الطيب الى مدينة الرياض ..

فرحنا بقدوم الجار الجديد .. ولكن للاسف ..

من بدايتها من بعد 12 الليل شغل في المكيف وطق مسامير ..

الابواب كأنها مدافع حرب الخليج تضرب ليل نهار

الاولاد ماشاء الله كتيبة مشاه ومن مختلف الاعمار كبار وصغار ..

الابواب الرئيسيه مفتوحه كأنها محلات حراج ...

في عز الظهر عياله يقسمون فريقين وهاتك ياشوت واحتفالات صاخبه في حال تسجيل هدف..

العصر مباراة الإياب مع مشاركة المحترف اللي هو أبوهم ..

السيارات للاسف ماعاد لقينا لها مواقف لانهم يوقفون بالعرض !!

والله ماعرفنا ننام من يووم شرفنا الجار العزيز وسكن جنبنا ..

البارح اخر المواقف في حدود 11 ونصف الا الجرس يدق !!

قلنا خير من اللي جاينا في هالوقت ماامداني افتح الباب الا الضرب على الباب باليد

طلع المطعم متصل عليه ومعطيه رقم اشتراكي اللي على الباب !!

وربي اني خلاااااااااااص في معاناه مايعلم بها الا الله ..

تكفون وش الدبره معاه .. :SnipeR (38):