الموضوع: الشعب يهتف يابومتعب سلامات

شفنا خبر عبر الفضاء والوكالات

في شاشة التلفاز عاجـل قرينـاه

مفاده ابو الشعب رجـل المهمـات

يشكي من الغضروف والرب يحماه

والشعب يهتف يابو متعب سلامات

يالله من كـل الصواديـف تاقـاه

يالله ياعالم بالاحيـاء والامـوات

يالي ماغيرك ساعة الضيق ننصاه

تفـك شيـال الحمـول الثقيـلات

ولعـل عجـلات المنايـا تعـداه

الحاكم الـي يفعـل المستحيـلات

الي كثيـر النـاس يلـوذ بحمـاه

طهور يارمز الكـرم والوجاهـات

يامن لربـه بالخفـا يرفـع يـداه

يسهر ويطلب خالقه كـل حـزات

ومن الألم دايم على الرب مشكـاه

ينسى مرض نفسه ومافيه بالـذات

ويهتم في غيـره ومافيـه ينسـاه

واجره على رب الفلك والسمـوات

الواحد الي تسجد النـاس لرضـاه

ولاهي غريبه كل ماجاه وعكـات

حتى المرض يسمع بطيبه ويبغـاه

كلٍ يبي قربه زبـون الصعيبـات

وكلٍ على طول يتمنـى مخـاواه

الي على شعبه سوات المخيـلات

مثل السحاب الي بنوه نثـر مـاه

ياسيدي يوم ان الاوضاع صعبات

الكل منكم تفعـل الطيـب يمنـاه

انتم هل العوجا ولابـه مـراوات

بيـتٍ شهيـر وكلنـا ماجهلـنـاه

وراياتكم ترفع على كـل رايـات

ياهل الشكاله والفعـول المسمـاه

الله يديمـك يازبـون المهـمـات

ولعلهـا تكفيـر ياطيـب الجـاه

وبامر الله يعودن الاخبار عجلات

ونشوف ابو متعب ببشته ومركـاه

[align=center]
نسأل الله العظيم ان يشفي ابو متعب

ومشكور اخي سلطان على النقل الرائع
[/align]

[align=center]
الف شكر اخوي سلطان

ونسال الله عز وجل ان يشفى خادم الحرمين الشريفين
[/align]

يعطيك العافيه