يارســـــــــول الله




يذكرني رحيلك مجلس باق على حله ، مداهيل الرجال اللي تنومسنا مواطيها

هنا سليت سيف يوفي الثارين من سله ،,, هناعلقت رمح يطعن الجوزة و يطفيها

هنا بينت مصحفك الكريم و دلنا دله ،,,,,,,, معك نبدا مواعيد الكلام و ننتهي فيها

هنا ساقيت غصن من غلا كنا تحت ظله ،,,, نسولف بالغنا يا بايع الدنيا و شاريها

هنا كان الرجال جبال ما تقبل خنا الزلة ،,,, عمايمها سحاب وابله باقي مواضيها

رجال لو تشوف الماء غدر ما شربته لله ،,,, نبت عشب الرضا يا سيدي بأول مغازيها

هنا ماضيك و رياض الخليل اللي رعى خله ,,,، شربنا عذبها مدري لعبنا في مغانيها

هنا تخنقني العبرة و انا اكتب يا رسول الله ,,، على قبرك نسيت الناس حاقدها و حانيها

و ابو قبر يتيه من الفخر بالبيد و تجله ،,,,,,,, على حسد تبين من سمايمها و صاليها

و يهناك الوفى قبر يضمك في ثرا تلة ،,,,,, ما دامه بين فردوس الجنان و بين منشيها

و انا لا من ذكرت فراقك اللي في يدي غله ،,,,, نسيت ان الليالي شيبتني من بلاويها

على بعد الزمان اللي يعقد الحبل و يحله ،,,,,, ليامني ذكرتك طاحت الدمعة و راعيها

سلام الله ما هز الصبا نسرينه و فله ،,,,,,, على الطفل اليتيم اللي عطا الدنيا معانيها


** *** ** *** ** *** ** ***
الشاعر المبدع \ خالد العتيبي


اللهم صلي وسلم على محمد