الموضوع: { مملكة الأسد }

[align=center]هذه القصيدة للشاعر (عبدالله باتل الرشيدي) .. - غيبوبة الهم -
أُهديها لأعز اصدقائي .. مع صادق التحيهـ


/
\[/align]

[poem= font="Simplified Arabic,5,black,bold,normal" bkcolor="transparent" bkimage="" border="none,4,tomato" type=1 line=0 align=center use=ex num="0,black"]
سر ياقلم مالي على الصبر طاقه=صبرٍٍ تعدى الحد ما عاد ينطاق
اكتب لمثلي قصته واشتياقه=في خطك الواضح على بيض الأرواق
قصة حزينٍ صافي المُر ذاقه=ليا ذكر ما صار له خاطره ضاق
باقوا به الأصحاب والوقت باقه=وصار الضحيه بين بايق وبوّاق
يمشي وهو ماحس في كسر ساقه=أمسى على ساقين واصبح على ساق
وهذي سُوات الوقت شين اصطفاقه=والوقت لو يصفي لك أيام دراق
إن شان قطّع عنك كل العلاقه=وان زان خلاّ لك من الناس عشاق
ومن شان معه الوقت قلوا رفاقه=راحت حياته كلها هم واقلاق
والله خلق خلق تحب اللباقه=كما خلق له خلق ما عندها اخلاق
أحد يعيش بخير ،واحد بفاقه=واحد يعشق أيام ويّام يتعاق
واحد معه حكمه وصبر ورواقه=سبحان منهو للمخاليق خلاق
لكن يامن معك عقل ووثاقه=ابنصحك كانك للأمثال تشتاق
لا تنخدع بأهل العلوم الرقاقه=اللي سوالفهم توهق توهاق
صادق رجال يعرفون الصداقه=يقفون صفك يوم يبسات الارياق
ومن رغب في فرقاك فأرغب فراقه=جاز الذي يجزاك بفراق .. بفراق
وتعلم التعشيق قبل السواقه=ولا تحسبنك بالدركسون سواق
ورزقك يجيك بدون تحضر بطاقه=وعند الله المعبود تقسيم الأرزاق
يقولها اللي جاير الوقت عاقه=ولا زال في غيبوبة الهم ما فاق
ولا قال هذا القول قصده طفاقه=ما قال هذا غير من نار الأشواق[/poem]